Сайт селении Акнада,Ангида,Аща - Пайзулаев Пайзула Расулович

Пайзулаев Пайзула Расулович
Ветеран-чекист,член Союза писателей Дагестана,коллега и

друг Абдуллы Яхъяевича Пайзула Расулович,также написал
стихи "Росаби,къисматал",посвященные Акнаде,Ангиде,Аще

❁❁❁

"Росаби,къисматал"

Даим г1аздаца ккураб Г1адалла мег1ералъул,
Рорхатал щобал руго щулияб къадруяда.
Къисмат гьелъулгун жубан,жанир расалъабазда,
Лъабго росу бук1ана к1удияб тарихалъул.

Гьанже Акнада гьеч1о,Ангъида бихьуларо,
Янгъизалго хут1елал,хут1араб Г1аща росдал.
Г1умру гьаниб ч1унтана,росдал кулал лъугьана,
Кидаяли гьалдолеб гьани замана ч1ана.

Буго лъараг1 ракьалда лъабго росдал цо росу,
Акнадайин ц1ар лъуна ц1ияб къайисверуда.
Къот1ич1о гьоркьоб тарих,г1олеб буго ц1ияб г1ел,
Ц1унулеб буго араб,умумузул ирсилаз.

Бухьен къот1улеб гьеч1о доб цебесеб Ват1ангун,
Акнада,Ангъида,Г1аща-уна гьенире щвезе.
Гьайбатаб росу буго,гьит1инабго шагьарлъун-
Гьалдолеб буго г1умру Ц1ияб Акнадаялда.

Огь,х1икматал къисматал,маг1арул росабазул,
Г1асрабазул рахсазулъ хаслъи билизе теч1ел.
Тамашалъи,дир гьудул,муг1рузул миллаталъул,
Тирулел заманабалъ зоб г1адин къадру ккурал.